Vonandi finnst hann

Hugur minn er með þessum týnda manni, ástvinum hans  og þeim sem leita hans. Megi hann finnast heill heilsu. Bendi öllum rjúpnaskyttum og útvistarfólki á að fara aldrei af stað án GPS tækis. Slíkt tæki kostar um 50.000 kr og kort í það 16.000. Líf ykkar er vel þess virði. Einnig er hægt að kaupa góðar talstöðvar fyrir um 25.000 sem geta t.d. tengst endurvörpum 4x4. Síðan er bara að fara varleg, vera vel klæddur og fylgjast með veðrinu.

Rjúpnaskyttu leitað í fimbulkulda í nótt

Athugasemdir

[corvus corax, 30.11.2008 kl. 10:49]

Það þarf ekkert GPS tæki og reynslan hefur kennt mér sem þaulreyndum fjallamanni að fæstir þeirra sem kaupa sér GPS tæki, kunna almennilega að nota þau. Eins virðast menn gjarnan gleyma öðru aðal atriði um GPS tækin - það þarf að hafa með sér vararafhlöður því þau eyða meira rafmagni eftir því sem er kaldara. Traustasta öryggistækið er mjög ódýrt og einfalt í notkun og þarf engar rafhlöður en það er áttaviti. Það er miklu auðveldara að læra á áttavita en GPS og ætti hver einasti útivistarmaður að eiga einn slíkan og kunna á hann. Sjálfur nota ég stundum GPS (sem ég lærði á á námskeiði) en alltaf hef ég gamla SILVA áttavitann minn í vasanum og hann hefur aldrei brugðist eða orðið rafmagnslaus.
Svo vil ég gagnrýna fréttaflutning af leitinni að þessum týnda manni. Blaðamenn nota alltof oft hugtök sem þeir hafa ekki hugmynd um hvað þýða eins og gert er í fyrirsögninni að þessari frétt. Það er enginn fimbulkuldi á leitarsvæðinu eins og fréttin gefur til kynna því 9 stiga frost er ekki fimbulkuldi. Það er hugsanlegt að tala um fimbulkulda þegar kuldinn er kominn niður fyrir 20 stig en að tala um fimbulkulda í 9 stiga frosti er fáránleg ofnotkun á sterkri lýsingu til að mikla hlutina eins og virðist vera landlæg plága hjá fréttamönnum. 

[Idda Odds, 1.12.2008 kl. 10:44]

Er sammála þessu með ýkjur fjölmiðla í fyrirsögnum. Reyndar hefur Siggi stormur farið fyrir þessari sveit með stórum lýsingaorðum í veðurlýsingum og spám. Veðurfræðingar eiga að tala í skilgreindum hugtökum (Log, stormur, fárviðri andvari. Allt eru þetta hugtök sem hafa skilgreindan vindstyrk bak við sig). Ydda lærði það í æfingabúðum norska hersins að maður fer aldrei neitt án áttavita. Það liggur í augum uppi. Hins vegar eru GPS tæki orðin þannig í dag að ég treysti mér að kenna hvaða ido að rata eftir þeim á 5 mín (þó að sjálfsöðgu þeir læri ekki á alla möguleika þessara tækja á þeim tíma). Það er hins vegar mun meiri kúnst að rata eftir áttavita í miklum villum. Þetta hefur Idda reynt á sjálfum sér. Þeir hjá norska hernum kalla ekki allt ömmu sína þegar kemur að ratleikjum!

Kv.

Idda

[Margret S (IP-tala skráð) 1.12.2008 kl. 10:56]

Hvernig væri annars að láta svo rjúpuna bara alveg vera.....................friða þennan vesaling.

[Idda Odds, 1.12.2008 kl. 18:19]

Það er svo allt annað mál. Idda er þeirrar skoðunar að náttúran eigi alltaf að njóta vafans og rjúpnastofninn býður ekki beint upp á mikla veiði þessa dagan. Ég hef í mörg ár "skotið" rjúpur með myndavélinni minni og finnst það fínt sport. Alla vega ekki mikill hávaði sem fylgir því.

Kv.

Idda